Cam 2 Dewis cynllun pensiwn (neu wirio’r un sydd gennych chi)

Fe ddylech edrych ar gynlluniau gwahanol cyn penderfynu pa un sy’n addas ar eich cyfer chi a’ch gweithwyr.

Fe ddylech chi ddewis cynllun addas sydd wedi ei adolygu'n annibynnol neu gaiff ei reoleiddio gan yr Awdurdod Ymddygiad Ariannol. O'r cynlluniau hyn, mae'r canlynol wedi rhoi gwybod inni eu bod yn fodlon cynnig cynlluniau i gyflogwyr cwmnïau bach:

• Aviva Master Trust
• Aviva Workplace Pension
• True Potential Investments
• NEST
• Corporate Pensions Trust
• Workers Pension Trust
• The People’s Pension
• AutoEnrolment.co.uk
• Ascot LloydBenefit Solutions
• Welplan Pensions
• The Creative Pension Trust
• The BlueSky Pension Scheme (TBPS)
• Standard Life Workplace Pension

Mae angen ichi wirio nifer o bethau cyn dewis cynllun pensiwn. Bydd angen ichi wirio a fydd y cynllun yn gymwhys i'ch holl staff, cost y cynllun, a ydy'r cynllun yn defnyddio'r dull rhyddhad treth gorau i'ch cwmni chi a hefyd gwirio ydy'r cynllun yn gymwys ar gyfer eich cyflogres. Mwy o wybodaeth am sut i ddewis cynllun pensiwn.

Os oes gennych chi gyfrifwyr, efallai y gallant eich helpu chi ddod o hyd i gynllun neu gynghorwr arianol a all roi cymorth i chi.

Gallwch hefyd ddefnyddio cyfeirlyfr cynghorwyr ymddeoliad y Gwasanaeth Cyngor Ariannol , sydd â chynghorwyr i'ch helpu chi ddewis cynllun pensiwn ar gyfer cofrestru awtomatig.

I wirio a ydy cynghorydd wedi ei awdurdodi gan yr Awdurdod Ymddygiad Ariannol, chwiliwch cofrestr yr Awdurdod Ymddygiad Ariannol.

Efallai bod cynllun gennych chi eisoes ar gyfer eich gweithwyr sy’n ‘bensiwn rhanddeiliaid’. Os oes arnoch chi eisiau defnyddio’r cynllun hwnnw, gofynnwch i’r darparwr a ydy’n cyflawni eich cyfrifoldebau ymrestru awtomatig.

Os nad oes modd i chi ddefnyddio’ch cynllun pensiwn presennol fe fydd angen i chi ddewis cynllun newydd sy’n cyflawni eich cyfrifoldebau ymrestru awtomatig.